Gazeta RD
Kryetari i PD, Sali Berisha teksa ka shprehur mirënjohjen e pakufishme për qytetarët që morën pjesë në protestën e organizuar këtë të dielë, tha se përmes sjelljes së tyre nderuan 22 marsin.
Duke folur jashtë ambienteve të selisë së PD pas përballjes me policinë e dhunshme ndaj qytetarëve e ndaj tij,
Berisha: Një përshëndetje vëllazërore, një mirënjohje të pakufishme.
Me guximin, trimërinë, qëndresën tuaj nderuat më shumë se kurrë këtë datë historike të kombit shqiptar, përmbysjen e diktaturës komuniste 34 vite më parë.
Por njëkohësisht i dhatë edhe goditjen më të merituar diktaturës së sotme.
Kjo ishte një betejë e shkëlqyer dhe u garantoj se tjetra do jetë dhe më e shkëlqyer dhe se për Edi Ramën nuk do ketë më strofull, nuk do ketë më vrimë miu ku do futet.
Kryengritja paqësore e shqiptarëve do u japë atyre ndëshkimin që meriton.
Do ta çojë tek etërit e tij mizorë.
Keni qenë të shkëlqyer… nuk di domethënë se si e nderuat kaq shumë sot 22 marsin.
E tmerruat Edvin Kristaq Ramën.
