Berisha pret në zyrë Kryetarn e Komunës së Tetovës dhe njëkohësisht Kryetar i Partisë “VLEN”

Kryetari i PD, Sali Berisha priti në një takim në zyrë kryetarin e Komunës së Tetovës dhe njëkohësisht Kryetar i Partisë “VLEN”, Bilall Kasami.

Përmes një postimi në rrjetet sociale, Berisha ka ndarë detaje nga takimi me kreun e Komunës së Kumanovës, duke e vënë theksin në veçanti te nevoja e forcimit të bashkëpunimit ndërshqiptar, sfidat aktuale politike në rajon, si dhe mbi rëndësinë e koordinimit më të madh të faktorit politik shqiptar në funksion të interesave kombëtare dhe të ardhmes sonë të përbashkët europiane.

Gjithashtu, Berisha bëri me dije se me Kasamin, u diskutua edhe mbi perspektivën e integrimit në Bashkimin Europian, zhvillimet politike në rajon dhe domosdoshmërinë që shqiptarët të kenë një zë të fortë, të bashkuar dhe vizionar në proceset që lidhen me të ardhmen e rajonit dhe të kombit tonë.

Kasami përgëzoi Berishën, për rizgjedhjen në krye të Partisë Demokratike dhe i uroi suksese në sfidat e ardhshme politike.

Postimi

Kënaqësi të prisja në zyrë z. Bilall Kasami, Kryetar i Komunës së Tetovës dhe njëkohësisht Kryetar i Partisë “VLEN”.

Gjatë takimit zhvilluam një bisedë të hapur dhe miqësore mbi nevojën për forcimin e bashkëpunimit ndërshqiptar, sfidat aktuale politike në rajon, si dhe mbi rëndësinë e koordinimit më të madh të faktorit politik shqiptar në funksion të interesave kombëtare dhe të ardhmes sonë të përbashkët europiane.

Diskutuam gjithashtu për perspektivën e integrimit në Bashkimin Europian, zhvillimet politike në rajon dhe domosdoshmërinë që shqiptarët të kenë një zë të fortë, të bashkuar dhe vizionar në proceset që lidhen me të ardhmen e rajonit dhe të kombit tonë.

Z. Kasami më përgëzoi për rizgjedhjen në krye të Partisë Demokratike dhe më uroi suksese në sfidat e ardhshme politike, gjë për të cilën e falënderova me shumë vlerësim dhe mirënjohje.

U dakordësuam të vazhdojmë komunikimin dhe bashkëpunimin me synimin për të forcuar më tej marrëdhëniet politike dhe institucionale mes faktorëve shqiptarë në rajon, në shërbim të stabilitetit, zhvillimit dhe integrimit europian.