Gazeta RD
Nga Gazment BARDHI
Prej disa ditësh, Edi Rama ka nisur një fushatë të ethshme për të zhvendosur vëmendjen e opinionit publik nga korrupsioni i qeverisjes së tij te sulmet personale ndaj protestuesve. Denigron këdo, në mënyrë që të mos pyetet më “Pse po protestohet?”, por “Kush proteston?”.
Kjo është e vetmja mënyrë e tij e vjetër për të bërë politikë. Kur nuk mund t’u përgjigjet akuzave konkrete, përpiqet të delegjitimojë ata që e kundërshtojnë.
Por shqiptarët kanë vetëm një arsye pse janë në protestë: refuzojnë të udhëhiqen nga një Kryeministër i korruptuar, që e trajton vendin si pronë private dhe pasuritë i ndan me një grusht klientësh, duke pastruar edhe paratë e trafikut ndërkombëtar të kokainës.
Arsyeja e protestës është korrupsioni.
Është Edi Rama. Kërkesa e protestës është dorëheqja e tij!
