Një turp i paprecedentë!

Nga Blendi HIMÇI

Ministria e Financave, përmes Drejtorisë së Thesarit, ka bllokuar pagat e prokurorëve dhe gjyqtarëve.

Një akt i pashembullt, një dhunim i hapur ndaj shtetit të së drejtës.

Kryeministri sillet si monark absolut. Nuk njeh ligj, nuk njeh gjykatë, nuk njeh kufij.

Me arrogancën e tij, ai shkel vendimet e gjykatës dhe i trajton magjistratët si armiq personalë.

Nga njëra anë propagandon “Besën” ndaj shqiptarëve, nga ana tjetër i mohon të drejtën më elementare: pagën e punës së tyre.

Ky nuk është shtet. Ky është uzurpim.

Kjo nuk është drejtësi. Kjo është hakmarrje politike.

Ky nuk është respekt ndaj qytetarëve. Është fasadë e konsumuar, një gënjeshtër e radhës e një kryeministri ordiner, të cilit prej 13 vitesh i ka dalë boja.

Të bllokosh pagat e magjistratëve është të bllokosh vetë drejtësinë.

Dhe kur drejtësia bllokohet, vendi nuk ka më shtet. Ka vetëm pushtet.