Berisha paralajmëron Ramën: Asnjë provokacion, si i Shkodrës, nuk do të lëkundë mbështetjen e PD për studentët

Kryetari i Partisë Demokratike, Prof. Dr. Sali Berisha, ka paralajmëruar kryeministrin Rama se asnjë provokacion, si i Shkodrës, nuk do të ndikojë në mbështetjen e opozitës për revoltën studentore.

Në deklaratën për mediat, Berisha paralajmëroi Edi Ramën se, provokacionet ndaj Partisë Demokratike, përfshirë atë në Shkodër, nuk do të ndikojnë në mbështetjen e opozitës për protestën studentore. Ai theksoi se PD do të qëndrojë në krah të studentëve deri në fitore.

“Jam këtu për të paralajmëruar Edi Ramën se asnjë provokacion i ulët, i llojit të atij që organizoi në Shkodër ndaj Partisë Demokratike, selisë së saj, nuk do mund të lëkundë kurrë, gjer në fitore, mbështetjen e plotë dhe totale të Partisë Demokratike për revoltën studentore”, deklaroi Berisha.Lideri demokrat, Sali Berisha, shprehu me bindje se protesta studentore do të triumfojë, duke e përmbyllur deklaratën e tij me mesazhin: “Studentët do fitojnë.”

Deklarata e kryetarit të PD, Sali Berisha:

Jam këtu për të paralajmëruar Edi Ramën se asnjë provokacion i ulët, i llojit të atij që organizoi në Shkodër ndaj Partisë Demokratike, selisë së saj, nuk do mund të lëkundë kurrë, gjer në fitore, mbështetjen e plotë dhe totale të Partisë Demokratike për revoltën studentore.