Gazeta RD
Protesta e sotme është zhvendosur nga zona e Kryeministrisë në rrugët e kryeqytetit, ku situata vijon të jetë e tensionuar.
Teksa policia ka vendosur autoblindat në bulevardin Dëshmorët e Kombit, protestuesit e shumtë janë shpërndarë në rrugën Myslym Shyri dhe rrugicat përreth.
Policia është futur në këtë aks duke ndjekur qytetarët, ndërsa këta të fundit vijojnë shpërndarjen.
Ndaj autoblindës së policisë është hedhur edhe një molotov, ndërsa efektivët më parë kanë hedhur gaz lotsjellës dhe ujë me presion pa masë.
