Gazeta RD
As moti i keq dhe reshjet e shiut kanë përfshirë Tiranën, studentët nuk janë tërhequr nga protesta e tyre, duke vijuar revoltën kundër qeverisë së Edi Ramës.
Në ditën e 22-të të revoltës studentore, të rinjtë kanë dalë sërish në rrugë duke bojkotuar mësimin dhe kanë dëshmuar se as shiu dhe as përpjekjet për të shuar zemërimin e tyre nuk i ndalin nga kërkesat për ndryshim.
Për momentin studentët ndodhen në Univeristetin e Politikenikut, ku me thirrjet ‘Bashkohuni me ne’ kanë hyrë nëpër klasat e fakultetit dhe pritet të mblidhen në ambjentet e jashtme.
Studentët kanë vendosur disa fotografi të dhunës policore ndaj të rinjve gjatë protestës, në Universitetin “Politeknik të Tiranës”.
Fotot janë të vendosura në disa karrige të shoqëruara dhe me shkrimet “Dialog”, duke refuzuar në këtë mënyrë kërkesën e kryeministrit Rama për dialog.
“Sa shpejt harroni diktator”, shkruhet gjithashtu në mesazhet e studentëve.
Të rinjtë janë shprehur se revolta do të vazhdojë deri në largimin e kryeministrit Rama.
