Gazeta RD
Edi Rama është pyetur në lidhje me protestat e të rinjve në Shqipëri, gjatë një bashkëbisedimi në Forumin e Paqes në Paris.
Rama u shpreh se pas protestave qëndrojnë partitë opozitare, të cilat, sipas tij, fshihen pas të rinjve të radikalizuar.
Ai e cilësoi situatën si një përzierje faktorësh, duke përmendur ndikimin e rrjeteve sociale, ku të rinjtë, sipas tij, informohen dhe dezinformohen.
“Në rastin tonë protestat kanë veçantinë e tyre. Do të bëja një dallim mbi atë që ka ndodhur në qershor kur pati numër të madh njerëzish nga të gjitha fushat e jetës dhe që shprehnin shqetësime që erdhën për shkak të projektit që lidhet me dhëndrin e Trump, Kushner.
Ishte si një lloj flamuri i kuq që nxiti zemërimin e “demit” në qytetin tonë. Më pas mbeti një numër i vogël protestuesish, që e përshkallëzuan me dhunë. Kjo nuk ka të bëjë me atë që ishte protesta në fillim fare. Kjo është tashmë edhe një përplasje e realitetit me rrjetet sociale, ku të rinjtë informohen dhe dezinformohen. Kudo dhe kurdo ka një protestë, ka arsye që duhet reflektuar dhe menduar në përpjekje për të gjetur se çfarë ka në sfond dhe ai i kësaj proteste është shumë i larmishëm.
Shqiptarët janë shumë të veçantë me gjithë gjënë. Ne kemi një histori ndryshe, nuk kemi qenë pjesë e ish-Jugosllavisë, ne u ndamë me bllokun lindor që në vitet 60. Pastaj u hodhëm në një marrëdhënie shumë të veçantë me Kinën dhe kur dolëm nga ky ferr, dolëm të transformuar në talebanë perëndimor, fanatik, për arsye të mira sepse ne kemi normën më të lartë europiane. Për ne BE është për ne cka ishte për etërit.
Kështu që nuk ka aspak dyshim që pavarësisht konflikteve të brendshmeve, pikëmpamjeve politike apo protestave, të gjithë biem dakord se Europa është destinacioni ynë i përbashkët. Ne nuk ndikohemi nga të tjerë përvec nga projekti europian”,- tha Rama ndër të tjera.
