Gazeta RD
Bordi i Edi Ramës vijon talljen me shqiptarët. Edhe pse sot janë mbledhur, pas 6 ditësh nga mbledhja e fundit, por çmimin e naftës nuk e kanë lëvizur edhe pse çmimi në bursë ka rënë ndjeshëm prej disa ditësh.
Nafta do të shitet me 240 lekë për litër, pra, aq sa ishte.
Ndërkohë, është ulur çmimi i benzinës.
Nga 233 lekë që ishte, benzina, nga sot prej orës 18:00 do të shitet me 221 lekë për litër.
Çmimi i gazit do të jetë po njësoj, 81 lekë për litër.
Vendimi i Bordit
Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 240 lekë/litri, ndërsa i shitjes me shumicë jo më shumë se 228 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 221 lekë/litri,ndërsa i shitjes me shumicë jo më shumë se 209 lekë/litër.
Çmimi i shitjes me pakicë i nënproduktit gaz, të jetë 81 lekë/litër edhe i shitjes me shumicë 69 lekë /litër.
🗓Çmimet e caktuara nga Bordi do të hynë në fuqi sot datë 14 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.
Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
Jemi në monitorim të vazhdueshëm të ecurisë së bursave, me qëllim reagimin sa më të shpejtë.
