Zyrtare, Ronaldo nënshkruan me Al-Nassr

Tashmë edhe zyrtarisht, Cristiano Ronaldo është futbollist i Al-Nassr. Lajmi është bërë i ditur sonte nga klubi nga Arabia Saudite, përmes një njoftimi në rrjetin social “Twitter”.

“Sportisti më i madh në botë nënshkruan zyrtarisht për Al-Nassr”, thuhet në njoftimin e klubit.

Ronaldo ka nënshkruar kontratë të vlefshme deri në verën e vitit 2025. 37-vjeçari besohet se do të paguhet me 200 milionë euro brenda një sezoni.

Pesë herë fituesi i “Topit të Artë” te klubi Al-Nassr kalon si lojtar i lirë, pasi Manchester United së fundmi kishte shkëputur kontratën me të.