Trajneri zbulon datën kur do të debutojë Ronaldo me Al-Nassr

Trajneri Rudi Garcia bëri të ditur sot  se, Cristiano Ronaldo do të debutojë me Al-Nassr më 22 janar.

Ai gjithashtu pranoi se për yllin portugez vlen ende suspendimi me dy ndeshje mos-lojë i shqiptuar nga Federata e Anglisë.

“Nuk do të luajë në ndeshjen e ardhshme kundër Al-Shabab, sepse është i skualifikuar”, tha Garcia.

“Do të jetë në ndeshjen kundër Al-Ettifaq, më 22 janar”, shtoi trajneri i Al-Nassr.

Ronaldo ka ditë që ka nisur stërvitjet me skuadrën e tij të re, me të cilin nënshkroi kontratë të vlefshme deri më 30 qershor 2025.