Gazeta RD
Roberto Martinez është zyrtarisht trajneri i ri i Portugalisë. Lajmin e ka konfirmuar vetë Federata Portugeze e Futbollit me anë të një postimi në rrjetet sociale, duke prezantuar spanjollin, i cili shkëlqeu me Belgjikën në Botërorin e Rusisë, duke i çuar “Djajtë e Kuq” deri në vendin e tretë, teksa në Katar skuadra e tij zhgënjeu duke mos kaluar as grupet.
Kështu ai do të zëvendësojë Fernando Santosin, i cili u shkarkua disa javë më parë dhe do të nisë punën për kualifikueset e EURO 2024, teksa do të bindë dhe Ronaldon që të vazhdojë karrierën me kombëtaren luzitane.
