Hetimi ndaj Juventusit, Ronaldo nuk nënshkroi kontratë të fshehtë

Cristiano Ronaldo raportohet se nuk ka nënshkruar ndonjë marrëveshje për të shtyrë pagën në kohën sa ishte te Juventusi.

Dokumentari i “Rai Report” detajon se si hetuesit po i kushtojnë vëmendje pasqyrave financiare dhe marrëveshjeve të “Bianconerëve”, duke u interesuar veçanërisht për marrëveshjen e bërë me pesë herë fituesin e Topit të Artë, i cili u largua në verën e 2021.

Më herët ishte raportuar se Ronaldo kishte nënshkruar një marrëveshje me Juventusin që i garantonin atij 19 milionë euro, pas një “dakordimi” për ulje të pagës shkak të pandemisë COVID.

Një avokat i afërt me lojtarin, megjithatë, zbuloi në mënyrë anonime se “kontrata private ekziston, por Ronaldo nuk e nënshkroi kurrë, vetëm Juventusi e nënshkroi”.

Kur u pyet pse sulmuesi portugez nuk e nënshkroi marrëveshjen, burimi anonim tha: “Sepse ai ishte i këshilluar mirë”.

Avokatët e Ronaldos së fundmi kanë bërë një kërkesë për 19 milionë euro që i detyrohet Juventusi dhe u është lejuar aksesi në dokumentet nga hetimi për klubin.