Gazeta RD
Belind Këlliçi, kandidati i opozitës për bashkinë e Tiranës ka kërkuar një takim të posaçëm me përfaqësuesit e ish-të përndjekurve politikë duke deklaruar me zë të fortë se “mbështetja e tyre më jep nder, nderon ekipin tim dhe Partinë Demokratike”.
“Turin e Dëgjimit e vijova me të përndjekurit politikë, shtresën më të vuajtur në historinë e shtetit shqiptar.
Një ndër detyrat e para që kam pasur në Partinë Demokratike ka qenë drejtimi i Departamentit të të Përndjekurëve Politikë, ku u njoha imtësisht me historitë e tmerrshme që kanë përjetuar gjatë regjimit komunist.
Intelektualë, fisnikë e atdhetarë të cilëve u detyrohemi si shoqëri pavarësisht bindjeve tona politike.
Mbështetja e tyre më jep nder, nderon ekipin tim dhe Partinë Demokratike,” nënvizoi kandidati për kryebashkiak për të vazhduar edhe me një ftesë: “Shpërndajeni këtë postim në nderim të kësaj pjese të nderuar të shoqërisë”, shkruan Këlliçi në Facebook.
