Gazeta RD
Partia Demokratike dorëzoi sot në Kryesinë e Kuvendit projektligjin për vendosjen e minimumit jetik prej 200 eurosh për çdo shqiptar si një domosdoshmëri jetike, për të nxjerrë shqiptarët nga varfëria ekstreme.
Nga ky minimum përfitojnë qindra e mijëra qytetarë në ndihmë ekonomike, në papunësi dhe në pension.
‘Përfituesit e minimumit jetik janë të gjithë shtetasit shqiptarë që kanë banimin e tyre të përhershëm në Republikën e Shqipërisë dhe të ardhurat e tyre janë nën pragun e minimumit jetik, sipas përcaktimeve të këtij ligji, apo akteve nënligjore të dala në zbatim të tij.’, thuhet në nenin 7 të këtij projektligji.
Kërkesa për të përfituar nga minimumi jetik mund të bëhet nga kryefamiljari, një anëtar madhor i familjes bashkë me bashkëshorten, secili prej bashkëshortëve, ose nga vetë individi.
