Tmerr në Sarandë, ashensori i lokalit i merr jetën kamarierit 17-vjeçar

Një ngjarje e rëndë ka tronditur Sarandën orët e para të mëngjesit të ditës së sotme. Një 17 vjeçar ka humbur jetën në një nga lokalet më të njohura të zonës rreth orës 02:00 të mëngjesit.

Lidhur me ngjarjen e rëndë nuk ka ende një reagim nga policia. Burime bëjnë me dije se 17-vjeçari Antonio Delilaj, i cili punonte si ndihmës kamerier është zënë poshtë nga ashensori i lokalit dhe gjetur vdekjen menjëherë. Burimet theksojnë se 17-vjeçari ka humbur jetën pasi është zënë nga ashensori në lokalin “Orange Club”.