Berisha thirrje studentëve: Mbështesni kërkesat e drejta të studentëve të Mjekësisë!

Kryetari i PD, Sali Berisha u ka bërë thirrje sot studentëve në të gjithë Shqipërinë që të mbështesin protestën e studentëve të Fakultetit të Mjekësisë dhe të ngrihen kundër regjimit në fuqi, “regjimit të antivlerave” siç e ka cilësuar.

Berisha ka publikuar një video të protestës së studentëve të Mjekësisë në Tiranë që po vazhdon prej mëse një ore me këtë shënim.

Reagimi

Studentët e mjekësisë nuk ndalen!

Marshojnë në rrugët e Tiranës kundër vendimit antikushtetues të narko-qeverisë dhe për mbrojtjen e të drejtave të tyre të shkelmuara.

Të dashur miq, studentët e Fakultetit të Mjekësisë kanë mbushur sot rrugët e Tiranës, duke i treguar qeverisë më anti- student, se ëndrrat, qëllimet dhe të drejtat e tyre nuk mund të shkelen me këmbë.

I bëj një thirrje të gjjthë studentëve të mbështesin kërkesat e drejta të studentëve të mjekësisë.

I bëj thirrje studentëve:

Mos u tërhiqni! Përballë keni një regjim të anti-vlerave, të ç’arsimit, të krimit dhe imoralitetit. Bëhuni lokomotiva e ndryshimit, mos u ndalni! #sb