Gazeta RD
Ish-kandidati i PD për bashkinë e Tiranës, Belind Këlliçi tha se, inceneratori projekt me përparësi i bashkisë Tiranë. Këlliçi tha se, Erion Veliaj e mori një angazhim të tillë pa miratimin e këshillit bashkiak.
“Pasi ditën e djeshme ju provuam me shkresa zyrtare shtetërore dhe fakte të pamohueshme, se si ish-ministri i Mjedisit, Lefter Koka i drejtohej ish-ministrave Manjani dhe Felaj, duke u kërkuar përgjigje dhe zgjidhje urgjente për një procedurë antiligjore, pasi me fjalët e vetë ministrit Koka, projekti i inceneratorit të Tiranes ishte një nga përparësitë kryesore të Bashkisë së Tiranë, sot po ju vëmë në dispozicion fakte të reja që tregojnë qartazi se vendimet ne biznesin e inceneratorit të Tiranës merreshin “Ma nalt”.
Nga muaji gusht i këtij viti e deri ditën e djeshme, ju kam treguar dhe vendosur në dispozicion, si publikut, por edhe organit të akuzës, aneks-kontratën nr.IX, ku faktohet se Erion Veliaj ishte i vetmi kryetar bashkie që e firmosi një angazhim të tillë, pa miratim të Këshillit Bashkiak.
Ju kam treguar me fakte se si kulla pas Sahatit, Teatri Kombëtar, kompania Arlis-Ndërtim, fitonin privilegje në biznesin e depozitimit të dherave, i udhëhequr nga Erion Veliaj.
Sot, po ju vë në dispozicion një e-mail tjetër që tregon qartazi se si, sipas asaj shprehjes se famshme të Ulsi Manjës, vendimet merreshin “Ma nalt”, tha Këlliçi.
