Garda me urdhër të Ramës nuk po lejon deputetët e opozitës të futen në sallën e Kuvendit

Edhe në këtë seancë, Edi Rama nuk po lejon deputetët e opozitës të futen në sallën e Kuvendit. Forca të shumta të Gardës së Republikës nuk po lejojnë deputetët e opozitës të futen brenda.

Edhe pse ligjvënësit demokratë thonë se ata po shkelin ligjin, forcat e gardës janë vendosur gardh para derës.

Deputeti demokrat, Asllan Dogjani i cili nuk lejoi të futej në ambientet e Parlamentit tha se ishte përjashtuar 10 ditë, por as në seancën e sotme nuk u la të hynte në Kuvend.

“Këtu drejton Edi Rama, urdhëron Edi Rama.

Edhe deputetët e mazhorancës thonë jemi nën presionin e Edi Ramës. Jemi 10 deputetë, 7 janë në seancën e fundit dhe 3 në seancën e kaluar.

Rregullorja thotë 10 ditë, ne jemi 15 ditë të përjashtuar. Ne fjalën kemi. Kërkojmë komisionet hetimore, kërkojmë që reformën zgjedhore ta bëjmë bashkë”, tha midis të tjerash ai.