Gazeta RD
Qytetarët janë mbledhur sot në një protestë përpara bashkisë së Tiranës, për të dytën herë në pak ditë, të revoltuar nga korrupsioni prej miliona eurosh i drejtorëve të saj, pesë prej të cilëve tashmë janë arrestuar nga SPAK.
Këshilltari i PD, Ilir Alimehmeti, në një prononcim për mediat tha:
“Ku shkojnë fondet e Tiranës?! Marrin fondet tonë dhe i përdorin. Këta drejtues nuk janë drejtues administrate thjesht, por janë drejtues politikë, bashkëpunëtorë të ngushtë Erion Veliajt.
Ku shkojnë këto fonde?! Kërkojmë audit të jashtëm për të gjitha fondet që shpenzohen në këtë drejtim në bashkinë e Tiranës për periudhën që nuk është kontrolluar nga KLSH. Kërkesë e thjeshtë, kërkesë e qartë antikorrupsion”, tha ai.
