Gazeta RD
Shkodra dhe rrethinat e saj janë mbuluar pasditen e kësaj të premteje nga shtëllunga tymi të zi që ngrihen prej zjarrit që ka përfshirë tregun e rrobave të përdorura.
Në një kohë kur qyteti po përgatitej për sezonin veror dhe ardhjen e mijëra vizitorëve, përfshirë emigrantët që kthehen në vendin e tyre, ndotja e ajrit ka arritur në ekstremet e veta.
Policia e Shkodrës njoftoi paraprakisht se:
Rreth orës 18:55, në lagjen “Ndoc Mazi”, në një treg me rroba të përdorura ka rënë zjarr. Zjarrfikësit së bashku me policinë menjëherë kanë shkuar në vendngjarje.
Shërbimet e Policisë po bëjnë evakuimin e banorëve nga banesat që rrezikohen nga zjarri. Zjarrfikësit po punojnë intensivisht për shuarjen e zjarrit
Grupi hetimor nën drejtimin e Prokurorisë po punon për zbardhjen e shkakut të rënies së zjarrit.
