Gazeta RD
Shtyhet në Gjykatën e Posaçme procesi politik për liderin e opozitës, Sali Berisha, një seancë e cila duhet të mbahej për informacionin dymujor. Seanca e radhës u caktua në datën 19 korrik.
Avokatët e Berishës kanë kërkuar aktet, për të cilat gjykata thotë duhet t’i paguajnë. Berisha i kërkon aktet për informacionet dymujore pa pagesë.
Në një prononcim për mediat, avokati i zotit Berisha, Genc Gjokutaj, tha se po vazhdon zvarritja e procesit.
“Duan ta mbajnë zgjatjen. Këto gjëra i Edi Rama dhe Maneku. Mund t’u drejtoheni atyre, nuk e di sa të gatshëm janë për t’u përgigjur.
Shoh se arsyeja është thellësisht serioze.
Gjykatësja vendosi që aktet duhen marrë me pagesë. Ata nuk e kanë fare problem të bëjnë fotokopje dhe në fund zgjidhet problemi”, tha Gjokutaj.
Sipas tij, çështja e pagesës për aktet është qesharake, pasi për këtë gjë vendoset në fund të procesit.
“Kolegu ka ardhur në Gjykatë dhe i kanë vënë kusht që dokumentet merren nëpërmjet pagesës.
Është praktika e zotit Beqaj që i janë dhënë aktet edhe pa pagesë. Ne i kemi të nevojshme. Gjykata ka gabuar, bën atë që thotë SPAK”, u shpreh ai.
