Rasti Beleri tregon fytyrën e vërtetë të sistemit të drejtësisë shqiptare!

Nga Genc GJOKUTAJ

Për t’u betuar si i zgjedhur nga shqiptaret në krye të Bashkisë së Himarës, ende i padënuar me vendim të formës së prerë, nuk u lejua të betohej!

Për t’u betuar si i zgjedhur nga grekët për në Parlamentin Europian, i dënuar me vendim të formës së prerë, lejohet të shkojë të bëjë betimin!

Kjo është trimëria e Edi Ramës dhe këto janë bëmat e tij!

Kjo ngjarje me kujton një histori në pyll!

Lepuri shante lart e poshtë luanin se ishte i padenjë për mbret i pyllit, palaço etj, siç Edi Rama shante Belerin për kreun e Bashkisë së Himarës!

Një dite takohen ballë për ballë luani dhe lepuri!

Ore lepurush, i thotë luani, me të vërtetë i ke ti ato fjalë që thua lart e poshtë nëpër pyll për mua?

Jo, jo o mbret, i përgjigjet lepuri po ja pimë nga një gotë ndonjëherë dhe flasim edhe budallallëqe, siç është rasti sot ku Rama lepurushi i trembur nga Luani Europian pranon se ia ka futur kot!

Se si do vijojë historia e Luanit Europian me lepurushin pijanec provincial, të cilit nuk i pushon goja me raki apo esëll, do ta shohim!

Sepse kemi edhe sezonin e “gjuetisë”, i cili mund t’i lehtësojë punën luanit!