Berisha: Dënoj sot me forcën më të madhe aktin banditesk të narko-komisar Qatos ndaj protestuesit

Kryetari i Partisë Demokratike, Sali Berisha në fjalën e tij në tubimin qytetar është shprehur se fermerët e Maliqit dhe qytetarët e Thumanës do të kenë mbështetjen e plotë të Partisë Demokratike, teksa shtoi se dënon me forcë aktin banditesk të narko-komisar Qatos, i cili si një bandit i vërtetë, goditi qytetarin protestues.

“Të dashur miq, çdo e drejtë ka një çmim, çdo e drejtë kërkon një sakrificë.

Fermerët e Maliqit po e bëjnë atë, qytetarët e Thumanës po e bëjnë atë.

Ndaj dhe do kenë mbështetjen e plotë të PD.

Dënoj sot me forcën më të madhe aktin banditesk të narko-komisar Qatos, i cili si një bandit i vërtetë goditi qytetarin që protestonte, që solidarizohej me protestën me të drejtë.

Me këtë rast, i them Edvin Gjipesë, se narko-komisari Qato ka fytyrën tënde, karakterin dhe moralin tënd.

Jeni turpi i dheut që të dy.

Garantoj narko-komisarin se për atë akt kriminal do marrë ndëshkimin që meriton. Dhe se drejtësia vonon, por nuk harron”, tha Berisha.