Nga 1 shtatori Shqipëria do të shtohet me mijëra emigrantë afrikanë

Testi i provës gjenerale për këtë kamp të ndërtuar rishtazi duket se kaloi me sukses. Specialistet italianë për disa orë kryen inspektimet e nevojshme, ku dhe pritet të hartojnë edhe raportin përfundimtar për standardet e plotësuara.

Puna vijon në pjesën e jashtme të godinës ku po bëhen përgatitjet e fundit estetike, që në Shtator godina të mirëpresë emigrantët e parë. Stafi italian që do të menaxhojë qendrën nga Shtatori është udhëzuar që të kenë etik dhe të bëjnë kujdes me sjelljen e tyre në raport me popullsinë vendase në zonën e kampit.

Këtë kamp do ta monitorojë Agjencia për refugjatë e Kombeve të Bashkuara gjatë tre muajve të parë të zbatimit të marrëveshjes. Sipas marrëveshjes me Italinë të nënshkruar mes dy qeverive më 6 Nëntor 2023, porti i zbarkimit të refugjatëve nga vendet e treta do të jetë Shëngjini, ku është ngritur qendra pritëse.