Gazeta RD
Deputetët e opozitës janë mbledhur sot në orën 10:00 për të ndjekur nga afër seancën gjyqësore që do të mbahet në Apelin e Përgjithshëm ndaj deputetit Ervin Salianji.
Salianji akuzohet për denoncimin publik ndaj qeverisë për lidhjet e saj me trafikantë dhe për favorizimin që qeveria iu bënte trafikantëve duke i lehtësuar dhe bashkëpunuar në veprimtarinë e paligjshme!
Salianji bëri një seri denoncimesh madje dhe nga fushat me kanabis për lidhjet te ish-ministrit Tahiri me kanabizimin. Më pas Partia Demokratike dhe Ervin Salianji pretenduan që lidhjet me krimin mbaheshin nga vëllai i ish-ministrit pasardhës, Fatmir Xhafaj.
Pas denoncimit të tij, opozita dhe Salianji publikuan rastin, për këtë u hap një hetim penal me kallëzimin e Agron Xhafajt ku Salianji akuzohet për shpifje.
Vlen të theksohet se gjithë prokuroret dhe gjyqtaret që kanë pasur çështjen dhe kane dhënë vendimin me 1 vit burg në shkallë të parë janë shkarkuar nga organet e vetingut.
