Sot protestë tek Bashkia, Berisha: Ta nxjerrim për zverku kryehajdutin e kryeqytetit!

Sot në orën 11:00 nis protesta para Bashkisë Tiranë për dosjen 5D dhe për inceneratorin inekzistent të Tiranës dhe kërkohet largimi i kryehajdutit të Tiranës, Erion Veliaj.

Kryetari i PD, Sali Berisha bëri thirrje mbrëmë për pjesëmarrje masive. Berisha tha se, duhet ta nxjerrim për zverku kryehajdutin e kryeqytetit.

“Garantoj shqiptarët se ligji dhe vetëm ligji, barazia para ligjit është qëllim madhor i programit të PD-së. Garantoj shqiptarët se forcë në botë që të mbajë në këmbë për një kohë të gjatë këtë diktaturë të urryer nuk ka.

Kombet kanë triumfuar gjithmonë mbi diktatorët, pavarësisht kush i ka mbështetur ata. Në ora 11, të gjithë tek Bashkia. Ta nxjerrim për zverku kryehajdutin e kryeqytetit, këtë monstër njerëzore që ka vjedhur qindra milionë euro qytetarëve shqiptarë.

Ta përzëmë nga Bashkia. Fitorja është e jona. Është radha jonë. Është radha jonë. Është radha jonë. Fitore, fitore, fitore!”, tha Berisha.