Opozita: Komisioni nuk mbyllet pa dëshminë e Ramës dhe Vilma Nushit!

Vijojnë debatet në komisionin hetimor për koncesionet në shëndetësi, ku është kërkuar madje dhe dëshmia e kryeministrit Edi Rama.

Deputeti i PS-së, Plarent Ndreca, tha se nuk mund të thirren aksionerët e kompanive.

Kurse Albana Vokshi tha se Vilma Nushi është personi kyç që ka përfituar nga koncesionet.

Edhe deputeti Edmond Spaho tha se duhet thirrur Rama dhe Nushi.

“Nuk mund të mbyllim këtë komision pa deponimin e kryeministrit dhe Vilma Nushit. Koncesionet janë dhënë nga qeveria. Pa dëgjuar kryeministrin dhe fituesen kryesore të koncesioneve, check-up-it, ne nuk mund ta mbyllim komisionin. Ndaj unë mendoj që në seancën plenare të kërkojmë shtyrjen e komisionit”, tha Spaho.