Situata në lindje mes Rusisë e Ukrainës duket se po shkon drejt një konfrontimi ushtarak.
Ish-ministri i Punëve të Jashtme i Suedisë, Carl Bildt, ka publikuar disa pamje, në të cilat siç ka thënë ai, shihet vazhdimi i grumbullimit masiv të forcave të Rusisë në drejtim të Ukrainës.
Bildt thotë se ky përqëndrim forcash nga ana e Rusisë nuk është parë prej kohësh nga Europa.
“Këtu janë tanket e vjetër T72 në rrugën e tyre për në zonën e konfrontimit. Europa nuk ka parë një përqendrim të forcave ushtarake të kësaj përmasash për dekada”, ka shkruar ai në Twitter.
Ndryshe, Bildt ditë më parë kishte shprehur shqetësimin rreth planeve që Rusia ka ndaj Ukrainës.
Bildt ishte shprehur se në rast se ndodh pushtimi i Ukrainës, në Evropë do të ndodhi një luftë e madhe me pasoja të thella.
“Nëse ndodh pushtimi i Ukrainës nga Rusia, do të ndodhë një luftë e madhe evropiane me pasoja shumë të thella. Nuk ka gjasa të kufizohet brenda territorit të Ukrainës”, kishte shkruar Bildt.
Reagimi i tij vjen në ditën kur Shtetet e Bashkuara urdhëruan anëtarët e familjeve të punonjësve të qeverisë në ambasadën e vendit në Kiev të largoheshin dhe Mbretëria e Bashkuar tërhoqi një pjesë të stafit të ambasadës mes frikës së shtuar se Rusia mund të pushtonte Ukrainën.
Përkundër tyre, përfaqësuesi i lartë i BE-së për punët e jashtme, Josep Borrell tha se BE nuk po planifikonte një lëvizje të ngjashme, por ishte “i etur” të dëgjonte arsyet e SHBA-së pas njoftimit.
Dhe këto lëvizjes të SHBA-së ka nxitur reagim pasi Ministria e Punëve të Jashtme të Ukrainës e quajti vendimin e SHBA “të parakohshëm dhe një manifestim të kujdesit të tepruar”.
SHBA dhe aleatët e saj kanë paralajmëruar gjithnjë e më shumë gjatë javëve të fundit se Rusia mund të pushtojë vendin fqinj pasi grumbulloi 100,000 trupa në kufirin e Ukrainës.