Berisha për Bashën: Në çdo dy fjalë, tre i ka gënjeshtra

Ish-Kryeministri Berisha u shpreh në emisionin “Opinion” se, Basha në çdo dy fjalë, tre i ka gënjeshtra.

Berisha akuzoi Lulzim Bashën se ka manipuluar poll-et elektorale. Berisha tha se të dhënat i sajonte kompania e Bashës, ndërsa skandali u zbulua nga gazetarët. Ai tha më tej se, Basha ka manipuluar këshilltarët, duke kërkuar ndjesë për deklaratën e tij kundër tyre 4 vite më parë.

“Lulzim Basha mashtronte këshilltarët. E zbulova falë gazetarëve. U thoshte se poll-et i bën një Universitet privat. Shkuan gazetarët dhe kapën atë pedagogun, e pyetën duke i thënë ku e ke atë rrjetin, ai iu tha unë nuk i bëj, por mi sjellin dhe i shpall. Nuk ishte faji i këshilltarëve, ishte gabim deklarata ime e 4 viteve më parë. Por poll-et i bënte kompania e Lul Bashës. Ky manipulonte poll-et”, u shpreh Berisha.