Shpërthim eksplozivi në Kamzë, hidhet në erë një dyqan

Vetëm 25 minuta pasi ka kaluar mesnata, në një zyrë kancelarie në Kamzë ka ndodhur një shpërthim, me shumë mundësi sipas Policisë, i shkaktuar nga lëndë plasëse.

Pas shpërthimit, në zyrë është përhapur zjarri që ka shkaktuar dëme materiale, pasi fatmirësisht në të nuk ka pasur njeri. Kancelaria është pronë e një zonje me iniciale Xh.Gj.

Në informacionin paraprak nga Policia, thuhej:

“Më datë 07.05.2022, në Rrugën Teuta, Kamzë, rreth orës 00:25, eshte konstatuar zjarr në kancelarinë në pronësi të shtetases Xh. Gj., dhe si pasojë ka vetëm dëme materiale.

Nga verifikimet paraprake dyshohet për hedhje/vendosje të ndonjë lënde plasëse. Grupi hetimor po punon për përcaktimin e shkaqeve të rënies së zjarrit”.