Çifti që u aksidentua nga Sulejmani u bënë prindër pas 20 vitesh martesë

Aksidenti i ditës së djeshme në Rrugën e Kavajës, në afërsi të komplekseve ‘Delijorgji’ për pak sa nuk rezultoi tragjik. Ajas Sulejmani, shoferi i makinës luksoze “G Class” kaloi kryqëzimin me semafor të kuq dhe shpejtësi skëterrë, ndërsa përplasi rëndë, familjen Konomi, konkretisht çiftin Vilma dhe Arjan si dhe foshnjën e tyre 3 muajshe.

Familja u transportua në spital ku fëmija ka shpëtuar lehtë, teksa çifti i bashkëshortëve po trajtohen për politraumë. Sa i përket shoferit, Ajas Sulejmani njihej si shofer që nuk respektonte rregullat e qarkullimit rrugor dhe është kapur dy orë më vonë në një spital privat.

Ndërkohë pas ngjarjes mësohet se Vilma dhe Arjan Konomi, çifti që u përplas me makinë nga Sulejmani, ishin bërë prindër pas 20 vitesh martesë. Sipas mediave, Arjan Konomi është me profesion, drejtor arsimi në Ministrinë e Arsimit, ndërsa Vilma është mjeke pediatre në Kombinat. Arjani ka thyerje të legenit dhe fraktura të tjera, ndërsa Vilma kishte hemorragji të brendshme dhe ndodhe në gjendje stabël në pavion.