Gazeta RD
Kryetari i zgjedhur i Partisë Demokratike, Sali Berisha, iu bashkua sot protestës së shoqërisë Civile kundër dhënies me koncesion të Parkut të Butrintit.
Intelektualët e Aleancës për Mbrojtjen e Butrintit po protestojnë edhe kundër faktit që hapësira e këtij parku është zvogëluar qëllimisht për t’i hapur rrugë projekteve korruptive.
“Mbrojtja e Butrintit është imperativ për çdo shqiptar. E garantoj Edi Ramën se nuk mund të sillet me Butrintin sikur të ishte plaçkë e baballarëve. Ajo është pronë e shqiptarëve, një nga pasuritë më të çmuar shqiptare.
Ata që kanë parashikuar shpërbërjen e parkut dhe kanë përdorur një plan menaxhimi për këtë qëllim, kanë parashtruar programin e një akti korruptiv të pashembullt.
Do përdor zërin tim kundër këtij projekti korruptiv, shkatërrimtar ndaj një pasurie të kombit shqiptar në çdo aspekt”, tha Berisha.
