Gazeta RD
Debat për menaxhimin e Butrintit nga një fondacion privat shqiptaro-amerikan ka përfshirë akademikët, të cilët janë mbledhur sot në një takim të posaçëm në Akademinë e Shkencave për të dhënë këndvështrimin e tyre mbi rëndësinë e këtij Parku Kombëtar dhe mënyrën më të mirë se si të administrohet ai.
Diskutimi me temë: “Butrinti – Një vështrim akademik mbi vlerat dhe vlerësimin” ka ardhur një ditë pasi akademikët dhe intelektualët e shquar u ngritën në protestë përpara Kuvendit për të kundërshtuar projektligjin për menaxhimin e Butrintit nga një fondacion.
Veprimtaria po moderohet nga prof. dr. Neritan Ceka, Kryetar i Komisionit të histori-arkeologjisë në Akademinë e Shkencave të Shqipërisë. Për çështjen do të referojnë akad. Apollon Baçe, “Butrinti në vështrimin kulturor, historik dhe etnik; Prof. Neritan Ceka, “Dilema e Butrintit”: turizëm pa kulturë dhe fitim pa përfitim? si dhe akademik Vasil Tole, “Butrinti si diskutim akademik”.
