Gazeta RD
Skandali kap skandalin në Shqipëri dhe tashmë është radha e aplikacionit të famshëm “Aktiv1sti”, i cili është ndërtuar nga Partia Socialiste dhe ka për qëllim zyrtar promovimin e punës së ministrive si edhe ndërveprimin me aktivistët e saj.
Skandali është denoncuar publikisht nga eksperti i teknologjisë, Gent Progni.
Në fakt, sipas dëshmive të publikuara në media ky aplikacion përdoret për të detyruar punonjësit e administratës që të bëjnë “like” dhe “share” postimet e ministrave, kryeministrit dhe drejtorive të ndryshme në rrjetet sociale.
Të gjithë duhet të regjistrohen me detyrim dhe të bëjnë “like” dhe “share” postimet e krerëve të qeverisë duke fituar kështue dhe pikë, të cilat më pas bëjnë një renditje sipas përdoruesve.
Këto pikë më pas, sipas dëshmive të publikuara në media përdoren për të ngritur ose ulur në detyrë punonjësit e administratës.
Sëfundmi, po qarkullon lista me emrat dhe pikët e përdoruesve të këtij aplikacioni ku krahas piunonjësve të bashkive apo ministrive, spikasin shumë policë, punonjës të prokurorisë dhe gjykatave apo tatimeve dhe doganave.
“AlbEu” ka parë listën e përdoruesve dhe vëren se aty bëjnë “like” dhe “share” duke u vlerësuar me pikë 139 punonjës policie; 5 punonjës të Avokatit të Popullit; 39 prokurorë ose punonjës të prokurorisë; 27 gjykatës apo unonjës gjykatash, etj.
Përdorues të “Aktivist1t”
139 Oficerë Policie
69 Punonjës tatimesh
5 Persona nga Avokati i Popullit
16 punonjës nga Drejtoria e Përgjithshme e Policisë
306 Punonjës të Doganave
39 Punonjës të prokurorisë
27 Punonjës gjykatash
