Gazeta RD
Albana VUTHI
Askujt më parë s`i kishte shkuar mendja se marsi do të vinte kaq i ngjeshur me data të rëndësishme. Ja që tre Marsi do të jetë një rizgjim i shqiptarëve . Sot vargjet e Pashko Vasës le të na zgjojnë: “Coniu shqiptarë prej gjumit çoniu të gjithë si vllazën n`nji besë shtrëngoniu…“ Momenti ka ardhur dhe të dalim të gjithë për një mijë e një mijë arsye , për këtë mënyrë qeverisjeje. Shqiptar, merr fatin tend në dorë, mos rri në kafe, mos më shiko nga televizioni, bashkohu me ne ! Dil protesto, dil revoltohu, se koha nuk pret! Rini më e bukura e shoqërisë, ti je, mos ik, qëndro dhe bashkohu me ne!Nëna të dashura dhe të vuajtura, mos na lini vetëm në këtë ditë marsi, por të bashkojmë duart dhe t `i themi një zëri`MJAFT“, këtij regjimi. Le të mos rrimë indiferentë në një ditë të tillë, por le t`i mbyllim një ditë qepenët e dyqaneve, të zbrazim çdo kafene dhe pijetore, të mbushim rrugët me revoltën tonë, se vetëm kështu do të risjellim fitoren. Ejani të risjellim pranverën!
