10 fakte që vërtetojnë se Qeveria ka vepruar si organizatë kriminale

Nga Abi MALLTEZI

1. Për t’i hapur rrugën mega-aferës së inceneratoreve u injorua Strategjia dhe Plani i Veprimit te trajtimit të mbetjeve, financuar me miliona € nga BE.
2. Në kundërshtim me ligjet dhe MAS me BE, u përjashtua gara e hapur në prokurimin publik, në një aferë mbi 430 milionë €.
3. Në kundërshtim me ligjin përzgjodhen për të tre inceneratoret, të njëjtët personazhe pa asnjë eksperience.
4. Edi Rama dhe Engjëll Agaçi kanë firmosur me negociata të mbyllura kontratën, edhe pasi drejtori i Agjencisë së Prokurimeve Publike, kundërshtoi firmosjen e kontratës me negociata të mbyllura sepse nuk lejohet nga ligji.
5. Edi Rama dhe Engjëll Agaçi, në kundërshtim me ligjin, kanë firmosur për dhënien e bonusit prej 8 pikësh për kompaninë që nuk ekzistonte askund.
6. Edi Rama dhe Arben Ahmetaj, në kundërshtim me ligjin morën paratë e fondit të emergjencës së Këshillit të Ministrave dhe i disbursuan për blerjen e inceneratorëve në Ministrinë e Mjedisit, e cila nuk dispononte asnjë qindarkë në buxhetin e saj. Këto fonde janë për zonat e prekura nga fatkeqësitë natyrore. Kështu që banorët e Shkodrës, Vlores, Fierit, etj. nuk morën asnjë fond per permbytjet sepse ato i gllabëroi organizata kriminale.
7. Prej 7 vitesh, Veliaj dhe Rama paguajnë 29 € për ton per mbetjet, nga 11 € që ishte përpara. Në këtë mënyrë ata fusin 18 € për ton në xhepat e tyre.
8. Veliaj në dhunim të ligjit, ka firmosur vete në emër të Këshillit Bashkiak dhe Këshillit të Qarkut pa i mbledhur ato.
9. Të 3 kontratat janë unike në botë, pasi kanë nenin e pamundësisë së heqjes dorë nga kontrata, ajo sanksionon: asnjë dispozitë nuk bën të mundur tërheqjen e palëve nga kontrata. Dështimi e secilës palë për përmbushjen e detyrimeve të kontratës nuk do interpretohet asnëjherë si tërheqje nga kontrata apo si heqje dorë nga të drejtat dhe detyrimet që rrjedhin nga ajo.
10. Në kundërshtim me ligjin e koncesioneve kanë miratuar pa asnjë vendim zyrtar, kalimin nga një dorë në një dorë tjetër, aq sa sot SKAP-i i partisë, deklaron se nuk e di cili është pronari i kësaj kompanie.