Vazhdon akoma L.B të flasë?!

Nga Edi PALOKA

Pra Rama angazhon gjithë institucionet që kontrollon për t’i dhënë Bashës, vulën, komisionerët, numëruesit dhe financat e PD, duke ja hequr këto kundër çdo ligji dhe logjike Berishës dhe shumicës absolute të demokratëve, po lidhjen e fshehtë e ka me Berishën?!

Basha, ndërkohë i jep Ramës komisionerët dhe numëruesit që i takojnë PD (siç u vërtetua qartazi dhe në 14 maj) po Basha është kundërshtar i Ramës?!

Në zgjedhjet e 14 majit kandidatët e dalë nga primaret dhe funksionarët e PD të Rithemelimit u gjenden nën agresionin total të shtetit dhe bandave që e filluan me tritol dhe e mbyllën me burgje ndeërkohë që ndjekësit e L.B mbështetën hapur kandidatët e Ramës, duke publikuar dhe foto me ta (pra pa u fshehur fare) po Rama është me Berishën dhe kundërshtar i L.B!

Në Parlament, deputetët e PD që janë me Berishën janë përjashtuar nga çdo e drejtë që ju takon me Kushtetutë, ligj dhe rregullore me justifikimin banal se janë grupi i “non grata-s’’ po Rama është me Berishën!

Deputetët e Bashës janë kthyer në ‘lolo’ qe edhe publikisht i tërheq prej dore Tao Balla (ai që L.B e takon natën në shtëpitë e botës), që kanë votuar ligjet e Ramës ne Parlament sa herë atij i janë dashur votat e tyre po L.B është kundërshtari i Ramës!

Gjithë mediat dhe “analistët” e kontrolluar nga Rama gjatë gjithë kohës kanë sulmuar Berishën dhe mbështetur L.B, po Rama është me Berishën kundër L.B

Dhe e fundit, (siç thonë vetë disa nga ata që i shkojnë prapa L.B) e vetmja arsye pse ka ende “ndjekës” është se ju ka premtuar që shumë shpejt do jenë në qeveri me Ramën.