Banda mafioze e Bashkisë Tiranë në veprim…

Nga Adriana KALAJA

Më datë 11 gusht 2023, bazuar në të drejtat tona kushtetuese, i’u drejtuam Bashkisë Tiranë me një kërkesë për vënien në dispozicion të “Projektit Teknik”, që i korespondon Lejes së Ndërtimit Nr. 163/3 datë 19.06.2023 të kësaj bashkie për “Godinën e Teatrit Tiranë Faza I-rë”.
Është në kufinjtë e të pabesueshmes përgjigja që na vjen nga një prej të punësuarave të klanit mafioz Veliaj, Frida Pashakos, e cila shkel haptaz ligjin duke u përgjigjur pas 40 ditësh, ndërkohë që ligji parashikon kthim përgjigje brenda 10 ditësh:
“Leja e ndërtimit me nr. Prot. 163/3, datë 19.06.2023 nuk është miratuar nga Bashkia Tiranë. ……. Bashkia Tiranë nuk është organi i vetëm kompetent për dhënien e lejeve të zhvillimit/ndërtimit…..”.
Besojmë se të gjithë e kuptojnë se sa e turpshme është kjo përgjigje tipike për një klan mafioz dhe aspak për një institucion shtetëror, ku nëpunësja e institucionit ose klanit, i bindet verbazi padronit të saj.
Nëpunësja e institucionit të klanizuar ose “autorja” e kësaj shkrese pas 40 ditësh vonesë, ka dashur të sqarojë se:
Kush e ka lëshuar Lejen e Ndërtimit ndërkohë që sipas shkresës, që ju paraqesim më poshtë, në objekt kemi kërkuar “projektin teknik” , të cilën padroni i saj ka deklaruar se e ka zhvilluar pranë Bashkisë Tiranë, ashtu si për shoqërinë “Agi Kons” sh.p.k., argumente të cilat do t’i shtjellojmë nesër.
Pyetjet që ne shtrojmë për bashkëpunëtoren Fridë të klanit mafioz janë:
– Ku e gjen guximin të shkelë ligjin kaq hapur?
– Kush e ka marë “nën mbrojtje” dhe kush ia garanton paprekshmërinë, kësaj pjestarjeje të haremit (haremxhies), e cila nuk ka frikë përgjegjësinë para ligjit?
Përgjigjet i dimë të gjithë ashtu siç dimë që ka një përpjekje të madhe të shërbëtorëve të Veliajt që fajin për shembjen e Teatrit Kombëtar duan ta kalojnë 100 % te Edvini i Kristaqit sepse “ai e urdhëroi ….pa urdhërin e tij nuk bëhet gjë….se ai e kishte fiksim, e kishte personale me artistët prej….” etj., etj.
Të gënjehet kush dëshiron të gënjehet dhe kush paguhet që të “gënjehet”.
Për ne fajtorë janë të gjithë.
Nga i pari tek i fundit.
280 zyrtarë të kallëzuar penalisht nga ne Qendrestarët.
Ashtu sikundër dhe ata gazetarë që paguhen nga paratë e inceneratorëve për të mbuluar veprat penale dhe aferën korruptive, që lidhet me Teatrin Kombëtar.
Ndryshe nuk shpjegohet, që të gjitha mediat, të cilat paguhen nga inceneratori inekzistent i Tiranës dhe Kunati i atij që e tradhëtoi më 17 maj, Lulzim Bashës, në unison propagandojnë dhe i thurrin elozhe punës me goditje të përqëndruar që banditi Veliaj po bën me “Teatrin e Ri… me shtëpinë e artistëve që po ndërtohet me ritme të shpejta…e dhomat me sipërfaqe kaq e aq….”, sikunder propogandojnë 360 gradë, Tvsh, Report tv, Koha jonë etj. Me siguri shifra duhet të jetë e kënaqshme, përderisa marrin përsipër të hyjnë deri në detaje dhe ne me të drejtë na lind pyetja:
– Ku e panë projektin këta “gazetarmenët”, kur bashkëpunëtorja në krim e quajtur Frida, me urdhër të padronit të saj Veliaj nuk e tregon?
– Apo u’a ka treguar Shkëlqim Fusha dhe Gentjan Sula?
Të bie në sy një “koeçidencë rastësore”, që data e kronikave të gazetarëve, që me sa duket nuk do pastrohen kurrë nga plehrat që i kanë mbuluar dhe po u marrin frymën, korespondon me datën e shkresës së firmosur nga klanistja Frida.
Këto “rastësi” nuk janë dhe aq të rastësishme dhe vërtetojnë se:
– Akuzat tona janë të drejta dhe ndërtimi i Teatrit të ri është thjesht një pretekst dhe mbase teatër as që do të ndërtohet fare.
– Trualli i Teatrit Kombëtar u duhet vetëm për të ndërtuar kulla.
– SPAK drejtohet nga dyshja kriminale Rama – Veliaj dhe ky i fundit do arrestohet vetëm kur të japë urdhër ai i pari.
– U legjitimuam të bëjmë kallëzimin e rradhës dhe me gjithë ndikimin e mafies në SPAK, ato dosje një ditë do hapen.
Mbi të gjitha, u vërtetua që ne i çojmë gjërat deri në fund, dhe për këtë kemi dhënë prova.
Kushdo që ka firmosur për shembjen e Teatrit Kombëtar dhe “ndërtimin” e Teatrit të Ri korruptiv do shkojë pas hekurave dhe, me paratë e tyre, do Rindërtohet,
Teatri Aty dhe Ashtu Siç Ishte.
Më poshtë ndiqni përgjigjen e Bashkisë Tiranë.