Gazeta RD
Shqipëria dhuroi spektakël përballë Çekisë, një fitore e pastër 3-0 që i dërgon kuqezinjtë në një tjetër nivel. Është thjeshtë çështje kohe dhe shifrash që ekipi i Sylvinho-s të marri biletën për në “Euro2024”, rezervimi i krye menjëherë, por mund të zyrtarizohet pas sfidën me Moldavinë. Në “Air Albania”, pas spektaklit të tifozëve stafetën e mori Jasir Asani me perlën e tij, një gol i magjishëm që tronditi çekët.
Sylvinho e kishte përgatitur këtë sfidë deri në detajin më të vogël, sigurisht gjerat u bënë më të lehta pas minutës së 39-të, kur Çekia mbeti me 10-të lojtarë. Në pjesën e dytë, ishte Seferi që u ngrit në piedestal, fillimisht u shërbye nga Jasir Asani duke dërguar shifrat në 2-0, ndërsa në minutën e 73-të, Daku i dha mundësinë të vinte në jetë një “dopietë” të paharruar.
Për fat të keq, VAR prishi “pokerin” kuqezi teksa i anuloi Mujës golin për pozicion jashtë loje. Në fund festa ishte e madhe, kjo me të drejtë, pasi kurrë më parë Shqipëria nuk ka qenë në nivele të tilla.
Pas xhiros së 6-të, renditen në krye me 13 pikë, me dy ndeshje në dispozicion kemi mundësinë të thyejmë çdo rekord historik në një fazë kualifikuese, për pikët e marra (18 pikë në kualifikueset e Botërorit). Me 11 gola të shënuar jemi ekipi me sulmin më të mirë, ndërsa kemi pësuar vetëm 3 gola, mbrojtja më e mirë, shifra që tingëllojnë të pabesueshme, por për fat të mirë janë reale, ky ekip është thjesht fantastik.
