Alizoti: Sot opozita e ka detyrë të rezistojë, nuk ka rrugë tjetër!

Deputeti i PD, Tomor Alizoti i ftuar në ‘Task Force’ me Sonila Meçon në SYRI TV, duke komentuar ngjarjet e sotme në parlament, u shpreh se, Edi Rama ka probleme serioze psikike. Gjatë diskutimit në studio, Alizoti u shpreh se, sot opozita e ka detyrë që të rezistojë, sepse nuk ka rrugë tjetër.

“Sot në Shqipëri i gjithë pushteti, shteti, administrata, aparati shtetëror ka një lloj personalizimi që ka vetëm një figurë që është vetëm kryeministrit. Të tjerët janë kot, sepse është gjithçka është personalizuar. Është e kotë të merresh me kryetaren e parlamentit.

Shqipëria me këtë format personalizmi shteti që ka, nuk mund të jetë kandidate për në BE, sepse nuk është më në thelbin e shtetit të së drejtës, sepse shteti i të drejtës garanton demokracinë.

Shteti i të drejtës ka një element që ruan epshet e lidërve, të kryeministrave, autorkratëve që të mos kthehen në institucion. Ai është ‘check and balance’, ai kontrollon, ruan. Tani shtet të së drejtës në Shqipëri nuk ka.

Tani është epshi, dëshira për pushtet e një njeriu që për mua është me probleme serioze psikike. Ky popull ka një fat të keq, që djemtë e këqinj dhe të marrët i hipin sipër dhe ai ka personalizuar të gjithë Shqipërinë, artin, sportin çdo gjë.

Ne vijmë nga një vend totalisht, i Stalinit, Maos, Enverit. Ata i hapën kampet e përqendrimit në Shqipëri për të thyer kurajën e njerëzve, për të trembur njerëzit, për ti bërë të nënshtruar.

Edhe koncepti i SPAK është kthyer si një gjykatë popullore, kemi shumë tipare të diktaturës në Shqipëri. Është kthyer dhe drejtësia si tifozë, si në kohën e gladiatorëve, do arrestohet ky, do kapet ai.

Sot opozita e ka detyrë të rezistojë. Kjo është e vetmja mundësi që i është lënë opozitës.

Në çdo vend demokratik, qeveria në momentin që hypën në pushtet është në opozitë me këdo. Këtu janë të gjithë me qeverinë dhe vetëm bëjnë e njeriut që është opozitar, e ke bërë mirë apo keq. Në të gjithë shoqëritë, qeveria nuk lavdërohet dhe nuk kritikohet opozita, a ishte e mirë apo jo goditja. Ky qëllim i jep shoqërisë, i thyen frikën”, tha Alizoti.

About Redaksia

Check Also

Takimet në Durres të demokratëve janë një shpresë për ndryshimin

Ka të rinj dhe të reja në takime,. Ka qytetarë dhe shpresë për ndryshimin në …