Berisha: Rama ka firmosur 4 vendime të personalizuara për grabitjen e tokës së bashku me Bolinon

Kryetari i PD, Sali Berisha tha nw konferencwn pwr shtyp se, Edi Rama ka firmosur 4 vendime të personalizuara për grabitjen e tokës së bashku me Bolinon. Ai tha se, me këto vendime, Edi Rama hyn në librin Gines për përdorimin e firmës së vet në 4 vendime për vjedhje të hapur publike së bashku me Karlo Bolinon.
“Së pari duhet të kërkoj ndjesë sepse për grabitjen e rreth 5 mijë metër tokë nga Rama dhe Bolino, nga tetori i vitit 2019 gjer në korrik të vitit 2020, Edi Rama ka firmosur jo 3 vendime siç kishim paraqitur dy herë më parë në këtë sallë, por ka firmosur 4 vendime të personalizuara për grabitjen e tokës së bashku me Bolinon.
Gazetarët kanë gjetur edhe një vendim tjetër, që është vendimi numër 589, datë 22.7.2020, me të cilin Edi Rama ndërhyn përsëri në kontratën e firmosur para vendimit të parë me Karlo Bolinon.
Me këto vendime, Edi Rama hyn në librin Gines për përdorimin e firmës së vet në 4 vendime për vjedhje të hapur publike së bashku me Karlo Bolinon.
Përveç katër vendimeve të firmosura nga vetë Edi Rama dhe të personalizuara për Bolinon, janë gjetur edhe 3 firma të tjera qeveritare, njëra e Ramës në lejen e ndërtimit dhe dy të zonjës Anila Denaj në kontratën dhe lejen e ndërtimit, të gjitha këto për përvetësimin e 5 mijë metër katrorë tokë nga Bolino, sigurisht për Ramën.
Gazetarët investigative provuan qartë me dokumente në emisionin Plug, se si Edi Rama e ktheu shtetin në shërbim të pushtetit të mikut të vet, Bolino.
Unë siç thashë më sipër, kisha paraqitur para jush të vërtetën se Edi Rama kurrë në jetëne tij, kishte firmosur fap e fap njëri pas tjetrit nga tetori i vitit 2019 deri në korrik të vitit 2020, katër vendime të personalizuara për t’i falur Bolinos së tij, natyrisht për të grabitur për vete tokën 4900 metra, që kushtonte së paku 1.2 milion euro.
Toka që u grabit me 4 vendime të personalizuar qeverie për kompaninë e Bolinos, të firmosur fap e fap nga Edi Rama, në planin rregullues të qytetit të Tiranës ishte e planifikuar për gjimnaz në një komunitet prej 60 mijë banorësh qënuk kishte një gjimnaz të tillë.
Me VKM-në e fundit që u paraqit sot, Edi Rama ndryshon VKM-në e datës 6.5.2020, ndryshon përsëri kontratën. Dhe çfarë shkruan në ndryshim?
Shkruan se ndryshimi është për rikonstruktim total minimal. Nuk ka njeri që mund ta zbërthejë këtë fjalë, në një kohë kur me vendimin e parë, Rama miraton kontratën në të cilën bëhej fjalë për rikonstruksionin e tre objekteve. Dhe kontrata me Bolinon ishte rikonstruksioni i tyre.
Ndërkohë dy muaj pas vendimit të parë, Rama jep lejen e ndërtimit. Pra, kontrata është rikonstruksion, kurse kjo është leje ndërtimi, të cilën në të gjitha ligjet e vendit e jep bashkia, por për pronën e tij personale me Bolinon, e firmos vetë Edi Rama. Dhe habitshëm e firmos edhe ministrja e familjes, Denaj. Zonja Anila Denaj.
Se çfarë do ministrja edhe te leja e ndërtimit, Rama e di. Se kjo duhet të ishte plotësisht atribut ligjor i Bashkisë së Tiranës.
Por, pas lejes së ndërtimit, Rama nxjerr vendimin e tretë, në të cilin në kundërshtim me kontratën, që ishte për rikonstruksion, urdhëron prishjen e objekteve, duke shkelur rëndë nenet e kontratës. Dhe këtë e bën pasi kishte dhënë lejen e ndërtimit.
Por ajo që është më e veçantë, se dy muaj pasi urdhëron prishjen e objekteve me VKM-në e tretë, me VKM-në e katërt, Rama urdhëron konstruksionin total minimal”, u shpreh Berisha.

About Redaksia

Check Also

Eurostat:1.1 milionë shqiptarë u larguan nga vendi në 10 vite, Berisha-Ramës:Shpopullimi krimi yt madhor

Sali Berisha Mirëmbrëma dhe përshëndetjet më të përzemërta, ju misionarëve të pamposhtur të lirisë, dinjitetit, …