Gazeta RD
Praktikat e Sigurimit të Shtetit kthehen në ligj në SPAK nga hetuesi sigurims, Arben Kraja që ka kërkuar në Gjykatë që Kryetari i PD, Sali Berisha të mbikqyret nga policia.
Prokuroria e Posaçme tejkalon çdo logjikë juridike duke kërkuar që Sali Berisha të mbikqyret nga Policia, teksa i kërkoi gjykatës dhënien e masës “arrest shtëpie”.
Avokatët e cilësuan këtë kërkesë si të pabazuar në ligj dhe shenjë hakmarrje politike ndaj liderit të opozitës.
Pas kërkesës së SPAK avokatët kërkuan kohë të njihen me kërkesën ndërsa kërkuan përjashtimin e gjyqtares Irena Gjoka duke paraqitur provat për shkarkimin e saj në vitin 1996 nga KLD e drejtuar nga Sali Berisha.
Seanca e radhës u caktua të mërkurën 27 dhjetorit në orën 11:00.
Në seancën e 27 dhjetorit, pritet të ketë një qëndrim nga GJKKO lidhur me kërkesën e avokatëve që është regjistruar në sekretari por u komunikua edhe në sallën e gjyqit që Irena Gjoka të përjashtohet nga çështja.
