Gazeta RD
Bota e futbollit humbi një tjetër ikonë, një nga lojtarët më të famshëm të gjithë kohërave, “kaizerin” e gjerman. Franz Beckenbauer ndërroi jetë në moshën 78-të vjeçare duke lënë pas një kujtim të paharruar, një trashëgimi të paçmuar. Prej vitesh, Beckenbauer vuante nga Parkinsoni dhe Demenca. Në karrierën e tij, Beckenbauer fitoi gjithçka, si lojtar dhe si trajner: 2 Botërorë, si lojtar dhe si trajner, vetëm Zagallo dhe Deschamps e kanë bërë këtë në botë, pas brazilianit tani shuhet edhe ylli gjerman.
Në CV e tij, Beckenbauer shënon edhe 1 Evropian, 3 Champions, 5 tituj në Bundesligë, 2 herë fituesi i “Topit të Artë” dhe shumë trofe të tjerë. Përveç trofeve, Beckenbauer ishte një inspirim i gjallë për brezat e ardhshëm, një model suksesi, një personalitet me ndikim shumë të madh, aq sa në gjermani konsiderohej një perandor, një mbret, një figurë që mund të përmbyste dhe qeveri, aq i fortë ishte ndikimin i tij. Beckenbauer shkëlqeu në fushë, por dhe jashtë sajë, shkëlqeu edhe si drejtues duke e kthyer Bayern Munich në një klub ikonë. Gjermani dhe bota e futbollit janë në zi teksa vajtojnë ndarjen nga jeta të një legjende.
