Gazeta RD
Kryetari i Bashkisë së Mirditës, Albert Mëlyshi, foli përpara të pranishmëve në tubimin poshtë banesës së kreut të opozitës shqiptare, Sali Berisha. Ai tha se, mbi 60 përqind e shqiptarëve janë sot larg kufijve të Shqipërisë, një forcë e madhe.
“Shqipëria ka më shumë se kurrë nevojë tani për ne, për shqiptarët, për t’i dalë sot asaj.
Fatkeqësisht sot, Shqipëria po tkurret përditë. Mbi 1 milion shqiptarë janë larguar vetëm 10 vitet e fundit.
Dhe nga Mirdita, mbi 60 përqind janë larguar, një gjë që na tmerron dhe na frikëson të gjithëve.
Shqiptarët e duan Shqipërinë me një qeverisje të mirë, një qeverisje të drejtë.
Shqiptarët e duan Shqipërinë për vete, për njëri-tjetrin, ajo çka e cila i bën atë vetëm të emigrojnë.
Në fakt, ata që po largohen janë të rinjtë, janë zemra e këtij kombi. Kjo duhet të na shqetësojë të gjithëve.
Mbi 60 përqind e shqiptarëve janë sot larg kufijve të Shqipërisë, një forcë e madhe.
Kjo sepse në Shqipëri nuk lejohet konkurrenca e lirë, nuk lejohen të ndërtojnë të ardhmen e tyre me djersën e ballit.
U bëj thirrje të gjithë shqiptarëve, sidomos atyre që janë larguar nga Shqipëria, t’i kthejnë sytë nga Shqipëria, sepse ata janë të interesuar për vendin e tyre.
U bëj thirrje të rinjve t’i bashkohen opozitës. Opozita i ka dyert e hapura për të gjithë të rinjtë, që ata të ndërtojnë të ardhmen e tyre, për një Shqipëri të lirë, për një Shqipëri me të drejta të barabarta”, tha ai.
