Wishful thinking… apo “Xhevahiret” e diplomacisë!

Nga Iva V.GRILLO

Eshte interestante te shikosh se sa me shume behet e qarte qe sistemi i drejtesise “se reformuar” tregon shenja te qarta te kapjes nga pushteti, aq me shume shqetesohen, lodhen e vrapojne disa perfaqesues te diplomacise per te na bere ta shohim realitetin e shtetit ligjor me “syze roze”, duke na treguar histori me heronj, xhevahire e shume mrekulli te tjera.

Keshilltari ligjor i ambasades amerikane paska thene sot se SPAKU jo vetem eshte i mrekullueshem… eshte i rendesishem meqe i del shpesh emri ne televizor…, por na qenkerka edhe objekt adhurimi dhe zilie per ata qe nuk kane fatin e mire te kene nje SPAK ne vendin e tyre.

Ne anglisht ka nje shprehje te quajtur “wishful thinking” dhe perdoret ne situatat kur njerezit e pershkruajne realitetin ashtu sic do te donin ata qe te ishte dhe jo sic eshte. Shkurt, te jetosh ne fantazi…

Une nuk besoj se Keshilltari i nderuar jeton ne fantazi, por nje gje eshte e sigurte: ai po mundohet fort t’i shese publikut nje realitet fantastik… (madje edhe fantastiko-shkencor, po te doni).

Ne fakt reforma ne drejtesi (perfshire ketu edhe menyren sesi u perzgjodhen punonjesit e SPAK) eshte nje histori qe ka lene nje shije te hidhur edhe tek ata qe e kane financuar. Mjafton te kujtojme qe Kosoves dhe Maqedonia e Veriut iu refuzua me force nje reforme drejtesie si e Shqiperise pikerisht nga ata qe e promovuan dhe financuan ate ne Shqiperi. Arsyeja: efektet e reformes se “drejtesise se re” ishin te paparashikuara dhe e kane futur drejtesine ne kolaps…plus probleme te funksionimit te shtetit ligjor e demokracise.

Eshte akoma me e cuditshme kur shikon sigurine e jashtezakonshme te keshilltarit te nderuar tek flet per drejtesine e pavarur ne Shqiperi, nderkohe qe rezulton qe kryeministri i ketij vendi ka arritur te korruptoje funksionare te niveleve me te larta ne vendin e tij te nderuar…

Atehere cfare garancie ka zoteria qe po ky kryeminister qe ka futur ne xhep “xhevahire” te medhenj nderkombetare nuk paska arritur te fuse ne xhep “xhevahiret” e vegjel te SPAKUT?

Aq me teper qe fshati qe duket nuk ka nevoje per kallauz … apo “syze roze”!