Gazeta RD
Gjykata Kushtetuese ka lënë në fuqi ndryshimet në ligjin e kompensiomit të kompensimit të Pronave të miratuar nga socialistët në Kuvend, në 2022. Gjatë seancës së kësaj të marte janë rrëzuar të gjithë kërkesat e Komunitetit Mysliman, sipas një njoftimi për mediat nga Gjykata Kushtetuese.
KMSH kërkoi rrëzimin e nenit që përcakton se “vendimet e kompensimit, të përcaktuara me vlerë dhe ende të paekzekutuara, nga periudha e njohjes së të drejtës për kompensim deri në datën e publikimit, subjektet e shpronësuara do të përfitojnë indeksimin, sipas vlerës zyrtare të inflacionit dhe interesin bankar, sipas mesatares vjetore të nxjerrë nga Banka e Shqipërisë në momentin e hyrjes së tij në fuqi”.
Sipas ankimuesit, ky parashikim cënon parimin e sigurisë juridike, por gjykata nuk ka qenë dakord me kërkesën. Sipas Kushtetueses, në këtë rast përmbushet detyrimi i shtetit për shpërblimin e drejtë.
KMSH kërkoi shpalljen antikushtetuese edhe të pikave të tjera të ligjit dhe disa vendimeve te qeverisë lidhur me ligjin, duke argumentuar se bien ndesh me parimin e sigurisë juridike, të drejtën e pronës private dhe shpërblimin e drejtë të saj, si dhe parimin e barazisë përpara ligjit dhe të mosdiskriminimit.
Të gjitha kërkesat e Komunitetit Mysliman u rrëzuar nga Gjykata Kushtetuese.
