Disa kafene më shumë dhe po të njëjta pavione historie!

Nga Alba KEPI

“Të nderuar drejtues të Agjensive e tureve turistike Muzeu do të qëndrojë mbyllur për 4 vite. Hapet më 15 mars 2028”.

Ky është pak a shumë komunikimi sot mbi mbylljen e Muzeut historik Kombëtar, i cili sapo inauguroi restaurimin e fasadës e mozaikut të tij qëndrorë.

Motivi?

Restaurimi e rikonstruktimi i tij.

Se pse duhen kryer disa herë punime një herë fasada e më pas të nis ristrukturimi vetëm mendja diabolike e mundëson.

Muzeu Kombëtar kur të hapet e pas 4 vitesh, do këtë Bar kafe, Restorant kafe, Teracë restorant e kafe, Shop kafe, Librari, salla studimi, salla ekspozitash të përkohshme.
Restaurimi pa dyshim do sjelli materiale të reja, strukturë më moderne, por dhe biznese të reja PPP.
E bashkë me to dixhitalizimi, siguria, teknogjia etj etj.

Kosto e rikostruktimit nuk dihet.

Studio e huaj e arkitektuës me bazë në Rotterdam e që ka fituar projektin, në faqen e transparencës së saj shkruan;
“Restricted competition. First prize”.

Për fat thuhet se do këtë po të njëjta 8 pavione që ka dhe sot;
Antikiteti, Mesjeta, Rilindja, Ikonografia, Pavarësis e Monarkia, Lufta Clirimtare, Genocidi Komunist e Pavioni Modern.

Projekti i financuar nga Ministria e Kulturês e nga programet e BE shfaqet si një ambicie fake e një qeverie që pilastrat më të rëndesishme të historisë, identitetit, studimit shkencorë, trashëgimisë e pasurisë arkeologjike, arkitektonike, natyrore e pasurore i ka groposur me beton e partneritete private.

Kjo studio e huaj arkitekture ka fituar të gjitha projektet për restaurimin e historisë e kulturën shqiptare nga Shkodra në Gjirokastër, nga Vjosa në Durrës.