Gazeta RD
Seanca e sotme plenare në Kuvend ka nisur me protestën e deputetëve të opozitës. Me nisjen e fjalës hapëse së nënkryetare së Kuvendit, Ermonela Felaj, deputetët e opozitës kanë bllokuar foltoren.
Me pankarta ku shkruhej ‘Ne duam qeveri, jo një kartel droge”, “Vrasës të demokracisë” dhe fishkëllima bilbilash, ata kanë dalë përpara foltores duke kërkuar të drejtat e tyre të mohuara për ngritjen e komisioneve hetimore dhe shprehur kundërshtimin e tyre për të gjitha përpjekjet e mazhorancës për të mbytur revoltën duke përjashtuar kolegët e tyre nga punimet.
Nënkryetarja e Kuvendit Ermonela Felaj ka tentuar të vijojë qetësisht punimet sipas rendit të ditës, duke tentuar të hiqet indiferente ndaj protestës së opozitës.
Deputeti i PD, Ervin Salianji ka ironiozuar deputetët e mazhorancës duke i quajtur dele.
“Kokën poshtë kartonin lart, janë dele”, tha ai.
Ndërkohë disa nga deputetët mbanin në duar pankarta ku lexohej:
“Demokracia vendoset me zgjedhje”, “Nuk duam Parlament Monist”.
