Gazeta RD
Pas arrestimit të kreut të ARRSH-së, Ervis Berberi ka reaguar edhe kryetari i FRPD, Besart Xhaferri. Në një postim në Facebook, Xhaferri shkruan se, arrestimi i Berberit është amnisti për Gjiknurin, Ballukun dhe Ramën.
Reagimi
Rrugët e florinjta të lëna rrugëve, arrestimi i Berberit, amnisti për Gjiknurin, Ballukun dhe Ramën!
Rrugët kanë rezultuar një minierë ari për Rilindjen, teksa ndonëse asnjë aks i rëndësishëm nuk ka përfunduar, shqiptarët kanë paguar për rrugët më shumë se asnjë vend në Evropë.
Ervis Berberi në krye të ARRSH ka kryer gjenocid mbi fondet publike me bekimin e ministrave të linjës, Gjiknuri dhe Balluku dhe Kryeministrit Edi Rama.
Ervis Berberi është shëmbylltyra e sektit të Rilindjes, teksa në postin e drejtorit i ka kaluar miliona euro kompanive të tij.
Si në asnjë vend të botës në Shqipëri ka shkuar deri ne 26 milionë euro kilometri i një rruge.
Ervis Berberi është një marionetë e Ballukut, Gjiknurit dhe Ramës, ndaj arrestimi i tij është amnisti për ta.
SPAK duhet të shkojë tek përfituesit e vërtetë të vjedhjes së shqiptarëve.
